Shravan Kumar

Original

Priy doston

Original

Humare vedon aur shastron mein anginat baar ye kaha gaya hai Aur saadhu-muni bhi is baat ko keh-keh karke thak gaye Hum bhi apni puraanon ki kathaon mein kayi baar is baat ko keh chuke hain Ke aapke saath jo hota hai vo aapka hi kiya hua hota hai Aap swayam hi apna bhaagya banaate hain

Original

Aapke saamne aaj Vishnu Puran ki katha lekar ke aaya hu Aur jiska shirshak hai 'Shravan Kumar'

Original

Apne maata-pita ki sewa mein jo udaaharan Shravan Kumar ne set kiya Aaj tak use koi match nahi kar paaya hai To aaiye, sunte hain is katha ko aur samjhte hain Ke kaise aapke pichhle karm aage aane wale jeewan ko shape karte hain

Original

Ye katha Shri Ram ke pita Raja Dashrath ne Kaushalya ko bataayi thi Hua yun tha, ke Raja Dashrath Achaanak hi shaam ke samay apna dhanush-baan lekar shikaar ko nikal pade Saryu nadi ke kinaare-kinaare Raja Dashrath ka rath jaa raha tha

Original

Tab hi unko kuchh garajne ki dhwani sunaayi deti hai Raja Dashrath ko aisa laga ke jaise koi haathi chinghaad raha hai Raja Dashrath shabd-bhedi baan chalaana jaante the Unhone us dhwani ko suna aur uski or apna baan chhod diya

Original

Par uske lagne ke baad kisi haathi ki nahi Balki ek manushy ki dard bhari aawaaz aayi Aisa laga ke koi jal mein gir gaya hai aur karha raha hai

Original

"Haaye, main mar gaya Mujhe kisne maar diya? Ab meri mrityu ke baad mere budhe maata-pita ka kaun dhyaan rakhega?"

Original

Dashrath samajh chuke the ke unse anarth ho chuka hai Vo bhaagkar us or pahunche jahaan se aawaaz aa rahi thi

Original

To dekha ke ek vyakti rakt se lath-path, aundhe munh paani mein gira hua tha Aur uske paas hi ek ghada paani mein tair raha tha Dashrath ko apni bhool samjh aa chuki thi

Original

Jo garajne ki dhwani unhe sunaayi di thi Vah asal mein paani ko ghade mein doobone ki aawaaz thi Isi dhwani se Dashrath bhramit hokar use haathi samajh baithe the Par teer chalke lakshy ko bhed chuka tha

Original

Vyakti apne khoon mein bheega hua apne antim kshan gin raha tha Ye vyakti, jo dekhne mein ek vanvaasi jaisa tha Usne Dashrath ko dekha aur gusse mein puchha "Mera kya dosh tha jo tumne mujhe teer maara? Main to yahaan apne maata-pita ke liye paani lene aaya tha"

Original

Vanvaasi ne fir puchha ke uska kya apraadh tha jiski use aisi saza mil rahi hai Fir vo vanvaasi bola ke vo rehta to van mein hai par brahman nahi hai Uske Pita vaishy aur Mata shudr hai Isliye Raja ko brahm-hatya ka paap nahi lagega

Original

Ke uske maata-pita dono bahut budhe hain Aur, unhe paani ki pyaas lagi huyi hain Unhi ke liye vo paani lene ke liye yahaan aaya tha

Original

Fir usne Dashrath se kaha ke vo itna to kar hi sakta hai Ke uske pyaase maata-pita ko jaakar ke paani pila de Vanvaasi bhayankar peeda se tadap raha tha Tab Dashrath ne uski chhaati se apna baan nikaal liya Aur usi samay us vanvaasi ki mrityu ho gayi

Original

Unhe pata tha ke unse paap ho gaya hain Ek nirapraadh ki unhone jaan le li thi

Original

Isi dukhi man ke saath vo paani lekar us vanvaasi ke maata-pita ke pahunche To vahaan pahunch kar unhe pata chala Ke ve dono kewal vriddh hi nahi, balki andhe bhi hain

Original

Jaise hi Dashrath Ji ke pairon ki aahat huyi Unhe laga ke unka putr aa gaya hai Vo bole, "Beta Shravan, itni der kahaan laga di? Pyaas se gala sukha jaa raha hai"

Original

Dashrath Ji ne tab darte-darte poori baat keh bataayi Ke kaise bhram mein aakar unhone unke nirapraadh putr ki jaan le li Dono bechaare budhe maa-baap rone lage

Original

Pita bole ke unke man mein aa raha hai ke vo abhi shaap de de Jisse Raja Dashrath ke sar ke tukde-tukde ho jaaye Par, kyuki Dashrath ne khud aakar apna apraadh sweekar kiya hai Isliye vo aisa nahi kar rahe

Original

Fir, Dashrath un dono ko unke putr ke mrit shareer ke paas lekar gaye Unke putr ko chhoote huye dono roye jaa rahe the Fir jalaanjali dene ke baad ve bole "Hey, Rajan, jis tarah se putr-viyog mein humari mrityu ho rahi hai Usi prakaar se tum bhi apne putr ke viyog mein tadap-tadap kar maroge"

Original

Uske baad dono andhe maata-pita ne apne putr ke liye ek chita banaayi Usme putr ko agni dene ke baad Ve dono bhi usi chita mein jalkar bhasm ho gaye

Original

To doston, ye tha Dashrath ka vo paap-karm Jiske baad unhe bhi inhi andhe maata-pita ki tarah dukh bhogna pada tha Ye kaha jaa sakta hai ke unhone to ye paap bhool se kar diya tha Par, kaha to ye bhi jaa sakta hai ke vo Raja the Vo bina Shravan ke maata-pita se mile bhi vahaan se chup-chaap jaa sakte the

Original

Par unhone aisa nahi kiya, vo Raghukul ke the Apne paap ko sweekar kar, uska dand paane ke liye hi Vo Shravan Kumar ke andhe maata-pita ke paas gaye the Ve kuchh bhi karte, parantu apne paap-karm ko to unhe bhugatna hi tha

Original

Aur aisa, doston, sabko hi bhugatna hota hain Yahi vo katha hai jo Ramayan ka aadhaar banti hai Ram ko vanvaas hota hain Aur, Pita Dashrath putr ke viyog mein tadap-tadap kar apni jaan de dete hai

Original

Jis tarah se bure karmon ka fal milta hai Obviously, vaise hi achchhe karm aapke liye sukh aur khushiyaan laate hain Isliye, doston, isliye jo bhi aap karte hain Aapke dwaara jo kuchh bhi hota hain, uspar zara niyantran rakhiye

Original

Aur, fir use bhogte hain Yahi humare puranon mein likhe itihaas aur gyaan ka nichod hai Aasha karta hu ke ye baat apne jeewan mein aap awashy aur sadaiv yaad rakhenge

Original

Isi aasha ke saath main, Shailendra Bharti aagya leta hu Namaskaar